شعر و ادب
درباره سایت
آخرین مطالب
امکانات وب
چه وابی که ای خاک بر باد دان
لکه ی ننگ زشتی و جا هم نهان
نویسا د ویچو یه دم دل خشی
چقد رنج بی غاری و خودکشی
وگسنی د مردن ملت بی کسن
و لبنان سوریه هی ایرسن
چه وابی عراق هم ککا وابیه
د زهر هلاهل دوا وابیه
چقد سخته طی چشمه هی تشنه بی
د پر سفره نون بویه هی گشنه بی
د چی گاو شیری خش وش نیخره
د هر تپشه تیمو یکی. ایبره
بدهکار دل آریوبرزنیم
اگر پا و سر حق مردم بنیم
و تپ تپ خینه شهیدل دفا
و قولی که داین نکردن وفا
چه کردن که دهلل همش مردین
و زر بار غم سه د بی گردین
چه وابی که گهلل د خار وابیه
حقیقت د ویچو و دار وابیه
حقی هم نیاری که گپ حق بگی
که یا هم د ویچو حقیقت بخی
د مشخلزمه ی آه لیث صفار
که تا بی بخاریم نیا ای بهار
برچسب:
نویسنده: آرین باقری