قلم

نیاری تو ار من وجودت جنم

1 چی تفنگه نوردا قلم

قلم بی اشارش یکینه ایکشه 

و یا چل گره کوره سیت ایگشه 

اگر وهگرهتی قلم راس بو

و من سینه ی خار چی داس بو

تو هر چهلکینه وول تل مکن

و ول خار خارشتره گل مکن 

نباید قلمدار چاخان کنه 

نه هر خانلینه علی خان کنه 

چطو لومه سر یک بنم کپ کنم

و تشنه ی بمیرم اما تپ کنم

اگر صد ولا ده نخونم درا

اگر ای لشم من خرنگل ورا

مو پاپس نیابوم و دس نیکشم

خشی ار بوینن مو هم دل خشم

چقد ورفراهیم و هی تو کنیم

یخ دل بلال دوی لو کنیم

چقد هی وریسیم شو نصپ شو

و من جا بگردیم دنبال خو

بدهکار دل آریوبرزنیم 

اگر پا و سر درد مردم بنیم

با سپاس کی اسداله زمانی