تش خلمر....

خهسمه گل کی تو اييي تی دلم

تو زمه تولرز بدی زر جلم

تو زمه تولرز بدی سردمه

تير بدی و او تيليت خردمه

تیر کمون تييلت چی تشه

ايزنه تش من دلم اما خشه

حال دلم گل نخشه ناخشه

طهره یه دينشتيه که سر تشه

سر تش بی دييه غمت مندمه

تیر غمت تا هني من گردمه

هم نفسم بی کسه ایلم بیو

خرس دلم ايچکه نيلم بیو

غم یه دمون نیيه امونم وته

چارشه هم نیيه نشونم وته

شونم زلفت که و ریم ايسره

کشککه زوني دله هم ايبره

حال مو بی حال تو حالش خشه

ار تو نبی غم دلمه ايکشه

بخت همه ی کس خم و خت بی تنم

او تييلت بهسمه من چب کنم

گرده د نی بسکه لغت خردمه

من تش خلمر هني هم سردمه

اسداله زمانی امیرآباد (خلمر)

+ نوشته شده در یکشنبه نوزدهم شهریور ۱۳۹۶ساعت 23:15 توسط اسدالله زمانی امیراباد |