تاپوی غم...

خدا امشو دلم مهلی گرهته

خدا دندون جگر لو دلمه کخته

دلم چی دل بلی پیلو پکهسه

و پس تاپوی غم بختم تپهسه

خدایا نی چه وابی بی خیالی

تو هم من فکر جم کردن منالی

خدا بی نوم تو هی نون ایسونن

د بی فرمون تو هی جون ایسونن

خدا دورش د دوره ی کاسه لیسه

کلومی گپ و حق ویچو د نیسه

خدا نیسی د او مردل گرونه

د او برنویله بهزه پرونه

خدا من کو کری سر نیدراری

خدا تقصیر خته جر ایدراری

خدا ار نیکنی کاری د سیمون

اگر نیخی بیا افتو وریمون

همی امشو د نل من خو وریسم

تو خت دونی که مو نه کاسه لیسم

خدا دم تش بلا ار مو بدیسم

و یا من گور تنگی مو بپیسم

مو گپ دل مردم شعر اینویسم

اگر چه من تشش شاید بریسم

با سپاس فراوان اسداله زمانی (خلمر)