لا لایی....

للا لا لا للا لا لا للایی

تو سی دردل دلم دار و دوایی

لالایی مو نه سی خويه وريسيت

اگر ور تش گله دم گل بديسيت

مو امشو ايکنم شانومه خونی

نباید بند ای شو سه بمونی

نخوسي رستمم رخشت گمابو

و غم سهراب دلت لونه ی غمابو

تو باید هم بجوشي چی سياوش

تو باید وهگري کمون آرش

مو ايخونم و شانومه وريسيم

و من خو مرگ نايوني نپيسيم

و من چاله ی دلل نی تش اميدي

تو هم چی ای دلم خیری ندييي

للا لا لا للا لا لا للا لا

و پر غارتگرن ای ایل بالا

و پر چی گرگین من پوس ميشن

یه گرگی خون خرن من پوز ريشن

للا لالا للا تا کی بشينيم

و جي شايي گل حسرت بچينيم

اسداله زمانی (خلمر)