خدا نی ....

ستاره ی شويلم احوال حالت

مو وابم قربون خرسل زلالت

نبینم ناخشي دردت و جونم

بيو تی ای دلم شعر سيت بخونم

به قربونت گلم دار و نیارم

مو غیر از شعرلم گل چی نیارم

اگر ای شعرلم قابل تونیسن

و بی هر واژه واژه ش ايبريسن

ملی گهلل گلم خت گل نگيني

نبینم روزگاری غم بويني

گلم حالم د بی حال تو بنده

که بی خنده ی خشت ای دل مو بنده

اگر دييى دموني گل مو سردم

نرنجي نازلوم که بار دردم

ستاره ی شويلم حالم و جا نی

د احساس ايکنم ويچو خدا نی

مو احساس ايکنم خدا وخويه

که بمکو خان بالا و چپويه

خدا نيسي بگو کو پیل نفته

د کو گهپل خش پنجاه و هفته

ندييم تش فقط دی سه پتی بی

د چی کف گول زنی سر او و ری بی

ممو یا حسنو فرقی نیاره

غمش سر گرديه دل تهلخاره

یه بمکو سر پيلل بی نشم و روین

یه بمکو ناهلاج من گور و خوبن

یقین دارم خدا هم دل و در ده

و ادباري ملت دلسرده سرده

با سپاس فراوان اسداله زمانی امیرآباد (خلمر)