برنو شرف..

خینه دلم بسکه د غم خردمه

نیزنه افتو و دلم سردمه

سردمه افتوته بزن سر لشم

غم و یه لت دل و یه لت ایکشم

غیرت وری کم بزه هی سرته خو

کردنه برنو شرف چل پخو

تا نوریسی سر زونی دلت

غم د نیابوهه وبن ول کنت

گرد صحاب وابییه ای اجنبی

مال وخو رهته علی خان نی

پارمن وابییه د پایل دلم

هر چه مو جهسم د نکه غم ولم

پر دل مردم د غمه دلپرن

موقشه برنونه ونو وهگرن

موقشه زر بار خدا هم نریم

شونه بشرنیم من ای شو دریم

موقشه بی یک بگریم چشمنه

تا بنشونیم تش لوتشننه

بسه د تا کی بکنن دز درو

هر چه بگن توبه نیابو پرو

گرده د نی بسکه لغت خردمه

فکرله پیسهسه نمک دردمه

سیچنمه حور پری یا بهشت

مشت ملایی گپ مفت اینوشت

بخت همه ی بخت و خو رهتیل

نیسه و بن دلخشی من ای دلل

ما که ندیییم یه دم دلخشی

کم دبترسون و یه بافه ی تشی

تش منه چاله ی دلمو سرکشه

چی جمتی جهنمشو من تشه

ور بییه ای فکرله پیسهسنه

تشنه و طی چشمیه کهنسنه

زنده که بییم همه زنده یم برشت

مرده مه نیخم بووریتون بهشت

غیره دلی خش د مجو نی بهشت

ای د و جهنم بره ار بو بهشت

با سپاس و تقدیم( خلمر)