ایل غم

مو بی ای شعرلم گپ دلته ايگم

مو دونم من بتت سغده پکهسه

و زر ای بار غم برفت شخهسه

تو هم چی دل بلالم درد داری

تو دل خيني و ری دل خت نیاری

رسي ناله ی دلت تا کهيه خومي

چه سالی نحس بی چه سال شومی

چقد باید د ایلم غم بوينه

چقد هی برف غم سر غم بشینه

تو سی طاها دنا خندی للايي

تو خندی لا للا بابا کجایی

رفيق مهربون رحمت چه وابی

که پرتاپر دلم غم سیت پر وایی

خور داری تيامت بی قراره

همش ايگو ببا سوغات اياره

اگر چه نيزني گپ سغده کردی

غمه ای گهلله من گرده کردی

ولي بل تا بگم ای دل د خينه

د نل تا برف غم سر غم بشینه

دنا تقصر تو بی رادار نیاریم

یه دلسوز غتي پادار نیاریم

یه دلسوزی که من ای مال وريسه

که نهله ايلمون دم غم بديسه

تو قايم وابيي زر برف ای غم

لش و لاشه گره خرده و من هم

دنا پازن پیرت وابی یه ناله

و من ای سه زمهسون دایه لاله

د رهتن تا و او زمزم رسيين

د چی کیخسرو ایلم پر کشيين

همش ايگن که تقصيره دنا بی

طياره جون پشتش بی گنا بی

طیاره پیر بی جون و غراره

نها تش من دلل کشی برازه

یو  چند ساله ایما وی درد وگيريم

هميشه باید ايطوري بميريم