شعر و ادب

تو دونی کوه دنا خاطرته ايخم مو بی ای شعرلم گپ دلته ايگم مو دونم من بتت سغده پکهسه و زر ای بار غم برفت شخهسه تو هم چی دل بلالم درد داری تو دل خيني و ری دل خت نیاری رسي ناله ی دلت تا کهيه خومي چه سالی نحس بی چه سال شومی چقد باید د ایلم غم بوينه چقد هی برف غم سر غم بشینه تو سی طاها دنا خندی للايي تو خندی لا للا بابا کجایی رفيق مهربون رحمت چه وابی که پرتاپر دلم ...

هفت آبان اومه بازم تو گرهتم چی تشم بل بنالم تا قیومت سی غریبی کورشم خت وری ای کورشم تا بلکنم کاری کنی بی صحابه ای زمونش حکمته جاری کنی خت وری تا وت بگم روزی و نومت ويچو نی اجنبي وابی و زور نومي و حونت ويچو نی ويچو جرمه ار بيايه نومه پاکت سر زهون گپ و آزادی بگيمون ايدرارن ده نخون بو وری بی بو صحابه جل جل وابی حونمون جي همه ی خوبی که گهتي دزدرويه لونمون کوچنيتون همدرنگل مال خو مرگی زيه تا وريسيمون د بی یک درد بی دردی بيه تا وريسمون د بی یک ما و نسل آرشيم تش بنيم من دشت خارل تا بيونن آتشيم تا وريسيمون بيونن پور پاک کوروشيم زر درفش کاویانی بانی منشورشيم ...

باز هم اومه رسی پیر غمت غم و ورم سره چشمه ی تيلت ار یه گلپ او نخرم باد غم نیيه اموني د و ای بلگ پرم د محاله به خدا بی نفست جون بورم با سپاس بیکران اسداله زمانی امیرآباد (خلمر) + نوشته شده در سه شنبه بیست و هشتم شهریور ۱۳۹۶ساعت22:23 توسطاسدالله زمانی امیراباد | ...

باورم نی باورت کردم نکردی باورم دلمه دم زلفت نبهسي باد غم هی ايبرم ايبرم جي دیری دیری تا نورگرده دلم نا نیارم نی هریمی کوچني رک زر چلم تيشه من زوني دلم وابی و خينش نی چکه بخت خو رهته ی خم هم نونم چشه هی ايفکه اسداله زمانی امیرآباد (خلمر) + نوشته شده در دوشنبه بیستم شهریور ۱۳۹۶ساعت22:13 توسطاسدالله زمانی امیراباد | ...

سی و اندی سال ايره سال خش نييم و نی بار غم سر گردمونه خنده مرده تا هني نی چه وابی شهرگل بی گرده وابی ای ملت ار یه بوهه نيدراين تا قیومت زر دلت نيسه برنويل بلنده تا بنالن من کمر باغبون بی عرضه بی تیش باغ وابی بی ثمر باغبون روزی ايابو شرمسار و واخور ريشيل تنجه ايزنن فييه ی نیاره دم تور اسداله زمانی امیرآباد (خلمر) + نوشته شده در دوشنبه بیستم شهریور ۱۳۹۶ساعت22:28 توسطاسدا...

سرمه بالا ايگرم که لر تبارم بشنفم گپ زورکی طاقت نیارم دس و برنو ايبرم زونيش دارم شیر هم زوني زيه سر لو مزارم اسداله زمانی (خلمر) ...

بخت مو بی پی پتی سيت ايجکس سر خار غم گل خه نونم اسب عشقت سی چه ايطو کرده رم خت بيو بالی سرم تا وانشوني ای عطش نونه کن من غار دل تا ايتري چی گنج مش چی بهوني بی خلالم تشک افتو من سرم بی پلت دلمه نبهسي باد غم هی ايبرم درد ای دل بی کسم جز تی تو تی کس نيبرم نوش دارو جز و چشم نازنینت نيخرم ايسو تا هر لحظه اومي پايلت سر چشملم هر چه دارم غیره تهنايي همش هم سی گلم.... ...

خدا امشو دلم مهلی گرهته خدا دندون جگر لو دلمه کخته دلم چی دل بلی پیلو پکهسه و پس تاپوی غم بختم تپهسه خدایا نی چه وابی بی خیالی تو هم من فکر جم کردن منالی خدا بی نوم تو هی نون ایسونن د بی فرمون تو هی جون ایسونن خدا دورش د دوره ی کاسه لیسه کلومی گپ و حق ویچو د نیسه خدا نیسی د او مردل گرونه د او برنویله بهزه پرونه خدا من کو کری سر نیدراری خدا تقصیر خته جر ایدراری خدا ار نیکنی کاری د سیمون اگر نیخی بیا افتو وریمون همی امشو د نل من خو وریسم تو خت دونی که مو نه کاسه لیسم خدا دم تش بلا ار مو بدیسم و یا من گور تنگی مو بپیسم مو گپ دل مردم شعر اینویسم اگر...

اهل آبایی چه وابی نیسه چشمه او زلال نیسه او کوگل کهینه صب بخونن دی بلال پیز وابی نی بهاری خشک وابییه بلی کل تراش وابیینه او چویلل پلپلی دندرل پازن سه ساله خین و من دل ایکنه بز و تشنی ناعلاجه کهرشه ول ایکنه کلغیه ی کهزیر کهیی پر دمش نیسی ولا خنده سر لو خشک بایم منده تا بارون بیا ناز نیسی دور چشمه ی چشمل گل چشم کال دل خدا سی ورد گهلل مث دلم ویبو بلال اهل آبایی چه وابی جاجخونل ایلمون نیسه او برفل دنانه تش و تش باد نیلمون با تقدیم فراوان اسداله زمانی(خلمر) ...